Эшикларни тўғри танлаймиз: дизайнердан қўлланма
Хоналараро эшикларни харид қилишдан олдин санаб ўтилган параметрларни аниқлаб олинг ва сизда муаммо бўлмайди.
Биринчиси: эшик полотноси – яхлит ёки қўшимчали.
Албатта, жуда кўп нарса маконнинг танланган услубига боғлиқ. Агар сизда классик интерьер бўлса, табиийки, эшиклар бошқа безаклар билан уйғун тарзда – фильонкалар, нақшинкор безаклар, витражлар билан безатилади. Бундай эшиклар ўз-ўзидан санъат асари кабидир, шунинг учун – фақат мутахассисларга буюртма берамиз, арзон нархга учмаймиз (бундай эшик полотнолари арзон туриши мумкин эмас).
Минималистик, замонавий интерьерлар учун кўпинча безаксиз, аммо қизиқарли фактурага эга яхлит эшик полотнолари танланади. Айниқса, яширин монтаж қилинадиган эшиклар жуда долзарб (улар ҳақида қуйироқда). Таъкидлаш жоизки, бундай конструксияда овоз изолятсияси яхшироқ бўлади.
Иккинчиси: бир табақали ёки икки табақали
Биринчиси ҳақида, ўйлайманки, ҳаммаси тушунарли. Иккинчиси ҳақида – бу катта хонанинг кириш қисми учун ажойиб танлов (бундай кириш қисми қанчалик ҳашаматли ва тантанали кўринишини тасаввур қилинг).
Кўпинча бундай эшиклар шиша ёки витражли қўшимчалар билан тайьорланади – шу тариқа конструксия кўпроқ ёруғлик ўтказади ва анча енгил, ҳаводор кўринади.
Учинчиси: ранг танлаймиз
Ранг бўйича оқ эшиклар машҳурлик чўққисида. Деярли барча эшик фабрикалари ассортиментида оқ рангли моделлар мавжуд, шунинг учун сиз ўз интерьерингизга мос моделни албатта топасиз. Яна эътиборлиси, бундай эшиклар классик интерьерларга ҳам, минималистик студияларга ҳам мос келади.
Яна бир урфдаги вариант – ёрқин рангли эшиклар.
Бундай вариантлар ёрдамида хонанинг меъморий камчиликларини тўғрилаш, уни визуал равишда кенгроқ кўрсатиш ёки ёрқин аксент қўшиб, жонга теккан муҳитни тезда ўзгартириш мумкин.
Тўртинчиси: материал ҳақида
Албатта, ёғоч доимо машҳурлик чўққисида қолади ва эшик композитсияларини яратиш учун ҳар доим энг орзу қилинган материаллардан бири бўлиб қолаверади. Шпон ва MDF каби бошқа вариантлар ҳам кўплаб интерьерларда талабгир бўлиб қолмоқда. Шуни айтиш жоизки, кўплаб маконларда шиша эшиклар жуда жозибадор ва уйғун кўринади. Яқиндагина пайдо бўлган ва 2020-йил трендига айланган яна бир вариант – керамо-гранит полотноларидир. Бундай «тош» эшиклар услуб жиҳатидан ҳамма интерьерга ҳам тўғри келавермайди, аммо жуда таассуротли кўринади.
Бешинчиси: конструксия
Ўз функсионаллигига кўра барча хоналараро эшикларни очиладиган ва суриладиган турларга ажратиш мумкин.
Очиладиган эшикларни ҳам икки турда харид қилишингиз мумкин: яширин монтажли ва ромли (наличникли) эшиклар. Иккинчиси анъанавийроқ, барчага маълум. Бундай эшиклар тоза пардозлаш ишларидан кейин ўрнатилади.
Яширин монтаж эшикларида кўриниб турувчи қути, ромлар ва ошиқ-мошиклар бўлмайди (буларнинг барчаси яширинган). Бундай конструксияларни таъмирлашнинг дастлабки босқичларида ўрнатиш зарур. Эшик етказиб берувчини ва моделларини олдиндан танлаш жуда муҳим, шунда барча ўлчамларни аниқ билиб, ўрнини тайьорлаш мумкин бўлади.
Энг муҳими, бундай эшикларда ромлар бўлмаганлиги сабабли, уларнинг шакли деярли ҳар қандай бўлиши мумкин – 3 метр баландликдан тортиб, зиналар остидаги эшиклар учун қия паст конструксияларгача.
Яширин монтаж эшик полотнолари завод безаклари билан ҳам, жойида безатиладиган ҳам бўлиши мумкин (эшик деярли кўринмас ҳолга келиши учун у девор билан бир хил рангга бўялади, гулқоғоз ёпиштирилади, молдинглар билан безатилади ва ҳ.к.)
Ваъда қилганимдек, сизга шаҳримиздаги менинг жамоам одатда бирга ишлайдиган эшик салонлари рўйхатини тақдим этаман:
"Город мастеров" «Сталная линия» Индоорс "Новий город" Доорс "Гиппрофи"
Мана, аслида эшик конструксияларини харид қилишдан олдин дизайнер билан биргаликда ёки мустақил ҳал қилишингиз керак бўлган асосий беш жиҳат.
