Нега сизга уй лойиҳаси KERAK?
Дарҳол жавоб бераман. Ҳаммаси оддий – лойиҳасиз яхши уй қуриб бўлмайди. Бу ташхиссиз беморни даволашдек гап. Натижа сизни ё умуман қувонтирмайди, ёки амалда нолга тенг бўлади. Қолаверса, уй лойиҳасининг нархи бутун қурилиш қийматининг бор-йўғи 3% ини ташкил этади! Шундай экан, таваккал қилишга арзийдими?
Лойиҳа – бу қурилишнинг аниқ режаси, материаллар миқдорининг ҳисоб-китоби, барча зарур тизимларнинг лойиҳаси, қоғозда мужассамлашган ORZUINGIZDIR. Шунингдек, қурилиш учун барча зарур ҳужжатларни олишнинг ягона йўлидир. Қуйида бу далилларнинг барчасини батафсил ёритиб бераман.
Менинг мақолам уй лойиҳасига нималар кириши ва бу тушунарсиз чизмаларнинг барчаси қурилишда сизга қандай асқотиши ҳақида. Айтганча, мана бу ҳавола орқали бизнинг шаҳар ташқарисидаги уйлар лойиҳалари портфолиомизни кўришингиз мумкин
Шундай қилиб, бошлаймиз, аслида хусусий уй лойиҳаси бир-бири билан боғлиқ 4 та лойиҳадан иборат: эскиз, ишчи, конструктив-муҳандислик ва дизайн-лойиҳа. Уларнинг ҳар бири муҳим ва ҳар бири сизга керак бўлади.
Эскиз лойиҳаси
Эскиз лойиҳасидан бошлайлик – бу қурилишга рухсат олиш (архитектура-режалаштириш топшириғи ва муҳандислик-техник шартлар (ART ва Мтш)) учун зарур бўладиган энг дастлабки умумий ҳужжатлар тўпламидир.
Буни бажарилиши керак бўлган асосий босқичларга бўлиб чиқаман:
Участканинг топографик суратга олиш ишларини ўтказиш. Топосуратга олишнинг мақсади – участкада жойлашган бинолар, дарахт ва бутазорлар, тўсиқлар, коммуникатсиялар ва бошқаларни 1 : 500 масштабда график тарзда акс эттиришдир. Қурилиш учун геологик қидирув ишларини ўтказиш. Мақсад – тупроқнинг кўтариш қобилиятини аниқлаш. Иккала қидирув маълумотлари билан архитектура компаниясига келиш ва уйнинг эскиз лойиҳасини келишиб олиш. Шундан кейингина, юқорида санаб ўтилган барча ҳужжатлар ва эскиз лойиҳаси билан сиз уй қурилиши учун рухсатнома (ART ва Мтш) олишингиз мумкин бўлади.
Ишчи лойиҳа
Рухсатнома олгач, биз ишчи лойиҳани (аниқроғи, уйингизнинг архитектура-қурилиш қисмини) ишлаб чиқишга киришамиз. Мен ишчи лойиҳани қурилиш майдончасида уйни йиғиш бўйича «йўриқнома» деб атаган бўлардим. Батафсил ишчи лойиҳасиз бинонинг дастлабки қиёфасини бузмасдан ёки катта миқдорда ортиқча харажат қилмасдан уни қуриш имконсиздир.
Ушбу қисмга меъморнинг эскизларга батафсил изоҳлари билан режалари, барча иншоотлар ва деталларнинг ўлчамлари, дераза ва эшикларнинг режага боғланиши, барча фасадлар, ўлчамлари ва қиялик бурчаклари кўрсатилган том режаси, уйнинг участкага боғланиш режаси, иккита кесим киради. Қўшимча тарзда, меъморингиздан қурилиш ва конструктив ечимлар бўйича тавсиялар ва шарҳлар берилади.
Конструктив-муҳандислик лойиҳаси
Номидан кўриниб турибдики, у икки қисмга бўлинади, шунинг учун уларнинг ҳар бири нима учун жавоб беришини қисқача айтиб бераман.
Конструктив қисм пойдевордан тортиб дераза ромигача бўлган уйнинг барча элементларига тушадиган юкламаларни ҳисоблаш учун жавоб беради. Айнан шу қисмга таяниб деворлар, қаватлараро ораёпмалар тури, тўсинлар жойлашуви танланади. Шунингдек, пойдевор гидроизолятсияси, иссиқлик изолятсияси ва шамоллатиш бўйича барча жавобларни айнан шу ерда топасиз.
Лойиҳанинг муҳандислик қисмига истеъмол қилинадиган ресурслар қувватини ҳисоблаш, иссиқлик ва электр юкламалари, вентилятсия, канализатсия ва сув таъминотини режалаштириш киради. Юқорида санаб ўтилган барча тизимларни лойиҳанинг ушбу бўлимидаги чизмаларда топасиз. Ҳар бир тизим (вентилятсия, канализатсия, иситиш ва ҳ.к.) алоҳида ва босқичма-босқич ишлаб чиқилади.
Конструктив-муҳандислик лойиҳаси уйингиз хавфсизлиги ва барча қурилиш материалларини ҳисоблаб чиқиш учун зарур.
Уйнинг дизайн лойиҳаси
Ва ниҳоят, энг охиргиси, лекин аҳамияти жиҳатидан кам бўлмагани – уйнинг дизайн лойиҳаси.
Ўйлайманки, сиз ушбу лойиҳага обьектнинг экстерьер ва интерьер безаклари киришини тушуниб бўлдингиз. Эҳтимол, бу қурилишда энг муҳим нарса эмасдир, лекин барибир фасад ва том материали қандай бўлишини, пойдевор, айвон ва терасса қандай безатилишини олдиндан билган маъқул.
Бизнинг студиямизда сиз шунингдек интерьерда мебелларни жойлаштириш режасига эга бўласиз, бу сизга бўлажак уйингизни янада батафсил тасаввур қилишга ёрдам беради. Албатта, уй лойиҳасига қўшимча равишда ҳар доим интерьер лойиҳасини ҳам буюртма қилишингиз мумкин.
Мана бу ҳавола орқали биз аллақачон амалга оширган шаҳар ташқарисидаги уйлар интерьери дизайнини кўришингиз мумкин.
Хулоса қиламан: AGAR сиз қурилишга рухсатнома олишни истасангиз, AGAR оилангизнинг кўп йиллари ва бир неча авлодлари учун яхши, ишончли уй қурмоқчи бўлсангиз ва NIHAYAT AGAR маблағингиз ҳамда кучингизни беҳуда сарфлашга одатланмаган бўлсангиз, уй лойиҳаси сизга шунчаки зарур!
Ўз ORZUYINGIZDAGI уйга эга бўлиш учун бу ерда ариза қолдиринг!
Текширилган ва керакли маълумотларни топиш учун блогимга назар солиб туринг.
