Таъмирлашни режалаштирамиз: тажрибали меъмордан йўриқнома

Таъмир қилмоқчи бўлган ёки янги уйдан хонадон сотиб олган ҳар бир киши ўқиши шарт! Ишонинг, бу маълумот сизни кўплаб хатолардан, беҳуда сарфланадиган жуда катта маблағдан асрайди ва асабларингизни тежайди.

Бор-йўғи 5 дақиқа – аммо қанчалар фойдали!

Демак, бошладик.

Қандай хонадон сотиб олдингиз?

Бу қурилиш бригадангиз сизга берадиган биринчи саволми? Айнан сизнинг жавобларингиздан иш босқичларининг умумий манзараси шаклланади.

Бишкек бозорида янги қурилган уйлардаги хонадонларнинг 90% қисмида умуман ҳеч қандай пардозлаш ишлари бажарилмаган, уларнинг аксариятида тўсиқ деворлар ҳам йўқ. Бу эса таъмир ҳақиқатан ҳам нолдан бошланишини англатади. Яна шуни тушуниш муҳимки, босқичлар фаслга, уйда яшаш мумкинлигига (эҳтимол, унда иситиш тизими ёқилгандир ва ҳ.к.) ҳам боғлиқ. Бундан ташқари, совуқ мавсумда бригадангиз қандай шароитда ишлаши ва яшашини ҳисобга олиш керак бўлади. Бу барча нозик жиҳатлар ҳисобга олиниши ва таъмирингизнинг умумий режасига киритилиши шарт.

Пардозлаш ишларига қачон киришиш мумкин?

Биринчи навбатда аниқлаш керак бўлган нарса – уйингиз қайси материалдан қурилганлиги. Қурилиш тугагандан сўнг дастлабки 2 йилда деворлар, пол ва шифтнинг чўкиши доимо кузатилади. Ғиштли деворлар 2 йилдан 6 йилгача бўлган даврда чўкади, монолит уйлар эса камроқ деформатсияга учрайди. Деворлардаги ёриқлар, дераза пакетларининг синиши, ёнбағирлардаги моғор ва ҳ.к. – агар чора кўрмасангиз, буларнинг бари сизни кутмоқда.

Тажрибали муҳандис-қурувчи хонадонни экспертизадан ўтказиб, бинонинг чўкиши тўхтаганми-йўқми ва таъмирни қачон бошлаш кераклигини дарҳол айтади… BIROQ! Кўпинча буюртмачиларимиз кутишга вақт тополмайдилар ва таъмирни «кеча улгуриш керак эди» қабилида қилиш зарур бўлади. Ўз тажрибамдан келиб чиқиб, муаммони ҳал қилишнинг энг самарали усулини таклиф қила оламан.

Чўкиш ҳолатида нима қилиш керак?

Унинг чўкиши билан боғлиқ муаммога пластификаторли қўшимчаларга эга сувоқ ва шпатльовкалар ечим бўлиши мумкин. Улар материалнинг эластиклигини оширади. Бундай пардозлаш қатлами деформатсияни сўндиради ва шунинг учун кейинги тоза қопламалар (бўёқ, гулқоғоз, кафел) зарар кўрмайди. Бундан ташқари, тоза пардозлаш қопламалари орасида ҳам эластик материаллар мавжуд, масалан, бўяшга мўлжалланган флизелинли гулқоғозлар ёки флизелин асосли гулқоғозлар.

Режангиз борми?

Мана ўша QOʻLLANMANING ўзи. Умид қиламанки, бу орқали яхши режалаштирилган ва пухта ўйланган таъмир томон қандай ҳаракатланиш кераклиги тушунарли бўлади. Асосийси – босқичма-босқич ҳаракат қилиш.

1-қадам. MATERIALLARNI XARID QILISH

Олдиндан нималарни ўйлаб қўйиш керак?

Биринчидан, қурилиш материаллари ва сантехникани қаерда сақлашингизни.

Иккинчидан, барча зарур материаллар нархини ҳисоблаб чиқиш ва уларни олдиндан сотиб олиш. Ёдда тутинг, мамлакатимизда материалларнинг катта қисми буюртма асосида келтирилади ва уларнинг етиб келиши 2 ойдан ярим йилгача чўзилиши мумкин. Барча пардозлаш материалларининг захираси яроқсиз чиқиши ёки ётқизиш пайтида бузилиши эҳтимоли учун камида 10% бўлиши керак.

2-қадам. QAYTA REJALASHTIRISH

Агар сизга қайта режалаштириш зарур бўлса, уни ҳам режага киритиш лозим. Барча рухсат берувчи ҳужжатларни тайьорлаш керак.

Сиз учун қонун бўйича NIMALARNI QILISH MUMKIN EMASLIGI ҳақидаги асосий талаблар рўйхатини тақдим этаман:

Қўшни хоналардаги ресурслар истеъмолига таъсир кўрсатадиган ускуналарни ўрнатиш.

Вентилятсия каналларини тўлиқ ёки қисман бузиш.

Тик қувурга (стояк) уланган иситиш ускуналарини балкон ёки лоджияга кўчириш.

Иссиқ пол тизимини иссиқ сув таъминоти қувурларига ёки марказий иситиш тизимига улаш.

Панелларда ва панеллараро чокларда каналлар очиш. Сувоқ қатламида штраба очишга рухсат берилади. Ғиштли деворлар тақиққа кирмайди, аммо улар жуда эскирган бўлиши мумкин. Штраба очишдан олдин уларни текширувдан ўтказиш зарур. Бунинг учун муҳандислик ташкилотларида мавжуд бўлган махсус ускуналар керак бўлади.

Яшаш хоналари ҳисобига санузел майдонини кенгайтириш.

Лойиҳани келишмасдан ўйиқлар (проёмлар) очиш. Уларни устунларда, панеллараро чокларда ва йиғма элементлар туташган бошқа жойларда қилиш мумкин эмас.

Юк кўтарувчи конструксияларни заифлаштириш, улар меъёрдан ортиқ юкламага дучор бўладиган шароитларни яратиш. Намунавий сериядаги биноларда тўсиқ деворларни гипсокартондан қилган маъқул – ғишт жуда оғир бўлиб чиқиши мумкин.

Агар улар умумий мулк ҳисобланса, йўлакда, чордоқда ва ертўлада қайта режалаштириш ишларини олиб бориш. Бундай ишлар фақат барча истиқомат қилувчиларнинг розилиги билан рухсат этилади;

Агар газ плитаси ўрнатилган бўлса, хонани ошхона билан бирлаштириш. Улар орасида албатта зич ёпиладиган эшик бўлиши керак.

Агар бино меъморий ёдгорлик ҳисобланса, фасаднинг ташқи кўринишини ўзгартириш. Намунавий серияли уйларда ҳар қандай ўзгаришлар давлат идоралари билан келишилади.

Хонада бирдан ортиқ антресол (асосий қават ҳажмига ўрнатилган юқори яримқават) қуриш.

Антресолга ошхона плиталари ва сантехника воситаларини ўрнатиш.

3-қадам. Қора ва тоза пардозлаш ишлари.

Асосий қоида – қилинган ишларни яроқсиз ҳолга келтирмаслик учун юқоридан пастга қараб ҳаракатланамиз.

Қора ва тоза пардозлаш ишларининг кетма-кетлигини жуда қисқача баён қиламан.

QORA PARDOZLASH ISHLARI

Электр монтаж ишлари

Иситиш ускуналарини алмаштириш

Тўсиқ деворларни ўрнатиш

Ванна ва ошхонада коммуникатсияларни монтаж қилиш

Пол стяжкаси

Суваш ва шпатльовка қилиш.

Ошхона ва санузелни қоплаш.

Осма шифтларни ўрнатиш ёки ораёпмани бўяш.

Дераза ромлари, токчалар ва ойна пакетларини алмаштириш.

Сантехникани монтаж қилиш — юзага зарар етказмаслик учун буни якуний қопламадан олдин бажарган маъқул.

TOZA PARDOZLASH ISHLARI

Девор ва полнинг якуний пардозланиши.

Хоналараро эшикларни ўрнатиш.

Ўрнатма мебелларни, масалан, деворий шкафларни йиғиш.

Электр жиҳозлари, розеткалар, ўчиргичлар, симларни ёпувчи плинтусларни монтаж қилиш.

Бу, албатта, умумий схема (қўлланма). Ҳар бир алоҳида ҳолатда қадамлар тўлдирилиши мумкин. Бироқ айнан мана шу режа билан сиз барча босқичларни прорабингиз билан аниқ муҳокама қила оласиз ва барча ишларнинг бажарилишини (ва уларнинг тўғри кетма-кетлигини) назорат қила оласиз.

Ва энг муҳим қадам – мутахассислар жамоасини топиш!

Ишонинг, сифатли таъмир қилиш қанчалик мураккаблигини биламан. Мақоламдан, ўйлайманки, сизга ҳам идеал таъмир йўлида профессионал ва саводли ечимларни талаб қиладиган анча тўсиқлар бўлиши тушунарли бўлди.

Менинг компаниям «калит остида» ишлайди – биз нафақат дизайн-лойиҳа тайьорлаймиз, балки мижозларга барча қурилиш ва пардозлаш хизматларини ҳам тақдим этамиз. Бизнинг штатимизда кўп йиллардан буён бирга ишлаб келаётган бир нечта қурилиш бригадалари мавжуд.

Ушбу видеода мен обьектларимиздан биридаман ва амалда қурилиш ишларининг босқичлари ҳақида кўрсатиб, сўзлаб бераман.

Агар сиз ҳали ҳам иккиланаётган бўлсангиз, мана шу ҳавола орқали дизайн-лойиҳа ва таъмир нархини BEPUL ҳисоблаш учун ариза қолдиринг.