Квартирани таъмирлаш: пол қопламасини танлаш

Директимизга энг кўп келиб тушадиган сўровлардан бири – квартира учун қандай пол қопламасини танлашни маслаҳат берасиз? Шуни айтаманки, сиз бекорга сўрамаяпсиз, чунки ҳатто мен – тажрибали дизайнер ҳам – ҳар доим бу саволга бир маъноли жавоб бера олмайман.

Шунинг учун мен бу мавзуни 3 та асосий саволга ажратдим, якуний танлов айнан уларнинг жавобларига боғлиқ.

Дарҳол қўшимча қилмоқчиманки, бугунги кунда замонавий (шунингдек классик ва минималистик) интерьерда бир нечта мутлақо бир-бирига қарама-қарши бўлган пол материалларининг турли хил уйғунликлари жуда ўринлидир. Бу тренд ишлаб чиқарувчиларнинг ўзлари шунчалик моҳирона тақлидларни яратишни ўрганганликлари сабабли пайдо бўлди, ҳатто яхши европа брендларининг замонавий линолеуми ҳам аллақачон ёғочдек кўринишга эга.

Пол қопламалари турлари ҳақида қисқача

Мен барча турларни 4 та гуруҳга ажратган бўлардим: ёғоч поллар, тош поллар, «ёғочсимон» қопламалар ва бошқа барча қопламалар.

Албатта, энг кенг тарқалган ва ҳамма севган қопламалар – ёғоч поллар. Булар паркет, массив тахта, муҳандислик тахтаси, паркет тахтаси. Уларнинг бир-биридан фарқлари кам эмас, лекин бу бутун бир алоҳида мақола учун материал. Фақат шуни айтишим мумкинки, асосий фарқ таркиби ва нархида, оддий истеъмолчи учун эса ташқи кўринишидан бу материаллар деярли бир-биридан фарқ қилмайди.

Айнан шу гуруҳга мен пўкак (пробка) полларни ҳам киритган бўлардим – бу пўкак дарахти пўстлоғидан тайьорланадиган алоҳида тур бўлиб, ушбу қоплама аллақачон ўз мухлисларига эга.

Иккинчи гуруҳ тош поллар – табиий тошдан ясалган поллар (мармар, травертин, оникс ва бошқалар) ҳамда албатта сопол плитка ва керамогранит. Айтганча, замонавий керамогранит ёғочга шунчалик аъло даражада тақлид қиладики, кўпинча айнан паркет тақлиди сифатида қўлланила бошланди.

Хўш, агар «ёғочсимон» тақлидлар ҳақида гапирадиган бўлсак (учинчи гуруҳ), бу ерда биз, ўз-ўзидан, ламинатни назарда тутамиз.

Бошқа барча материаллар гуруҳига эса қуйма поллар, PVX поллар, ковролин ва линолеумни киритиш лозим.

Услуб ва пол қандай боғланган

Ўзингиз тушунганингиздек, ушбу икки жиҳатнинг танлови ўзаро жуда боғлиқ. Масалан, агар сиз анъанавий ҳашаматли классик услубни танласангиз (у эса кўп нарсани талаб қилади), сизга арзон қоплама (линолеум, қуйма пол ва бошқалар) ҳам, муайян дизайндаги поллар ҳам (айтайлик, бетон кўринишидаги керамогранит) мутлақо тўғри келмайди. Эътиборни ёғоч қопламаларга, тош материалларга (мармар ёки бадиий паркет кўринишидаги) ёхуд ламинатга (яхши европа сифатидаги) қаратиш лозим. Замонавий классикада ҳам санаб ўтилган барча қопламалар жуда ўринли бўлади.

Гўёки замонавий интерьер биз учун кўпроқ тажрибалар қилиш имконини очадигандек туюлади... LEKIN! Мен пол қопламалари билан ҳаддан ташқари кўп тажриба ўтказишни тавсия қилмаган бўлардим, шунинг учун энг маъқули – бетон ёки мармар кўринишидаги плитка (умумий дизайн ва йўналишга қараб), ламинат ёки ёғоч қоплама (лекин анча дадилроқ дизайнда)

Қайси хонага қандай пол

Бу савол, менимча (молиявий саволдан кейин) энг муҳимларидан бири: қайси хонага қандай пол тўғри келади? Ва менинг фикримча, биринчи навбатда айнан шундан келиб чиқиш керак. Дизайнерлар энг кўп қўллайдиган хоналар ва пол қопламалари вариантларининг қисқача тўпламини сиз учун тайьорладим.

Демак, даҳлиздан бошлаймиз. Бу энг юқори қатновга эга бўлган макон. Бу ерда ҳиссиётларга ва паст чидамлиликка эга вариантларга ўрин йўқ... Энг маъқули – тош полларни танлаш. Ҳашаматни хоҳлайсизми – мармар ёки унинг тақлидларини танланг, шунингдек бадиий паркет тақлидларини ҳам танлаш мумкин. Албатта, иссиқ полни унутманг – ва натижа сизни қувонтиради.

Ошхона – шунингдек алоҳида ҳудуд. Бу ерда хоҳлаймизми-йўқми, бошқа хоналарга қараганда тез-тез тозалаш керак бўлади. Ва бу ерда ҳам мен тош полларни қатъий тавсия қилган бўлардим – керамогранит ёки сопол плитка шунчаки ажойиб вариант. Замонавий дизайнлар ва тажрибали усталар (улар дизайнерларнинг эскизлари асосида қизиқарли нақшларни кесиб беришади) шарофати билан ошхонадаги поллар маконнинг асосий урғусига айланиши мумкин.

Меҳмонхона учун бугунги кунда кўпчилик керамогранитни ҳам танламоқда. Мен ушбу материални жуда яхши кўраман, лекин шунга қарамай, уни уйнинг ҳар бир хонасида ишлатишни тавсия қилмаган бўлардим... Тош барибир тош – у амалий, аммо совуқ ва қаттиқ. Мен мижозларимизга ёғоч полларни ёки яхши европа ламинатини тавсия қилишни маъқул кўраман.

Ётоқхона ҳақида ҳам шуни айтишим мумкин... Бу маконда, ҳар қандай жойдан кўра, шунчаки гўзаллик ва шинамлик яратиш шарт. Ва табиий ёғочдан кўра шинамроқ ва ёқимлироқ (тактил туйғу жиҳатидан) нима бўлиши мумкин. Агар услуб жиҳатидан сизга тўғри келса, пўкакдан (пробка) ҳам фойдаланиш мумкин.

Айниқса, болалар хонаси учун пол танлашда жуда кўп бош қотиришади. Дарҳол айтаманки, бу хона учун мен аниқ сотиб олмаган бўлардим – тошдан (плитка, керамогранит) ясалган поллар. Биринчидан, ҳаддан ташқари қаттиқ (болалар эса тез-тез йиқилади), иккинчидан, болалар доимо иссиқ полда юрмаслиги керак деган фикр бор – бу иммунитетга таъсир қилади...

Амалиётда, болалар хонаси учун кўпинча ламинат танланади. Агар кўпроқ табиий нарсани хоҳласангиз – пўкак (пробка). Бугунги кунда замонавий болалар хоналарида кўриш мумкин бўлган яна бир вариант – ковролин (лекин бу ерда махсус чангютгич билан тез-тез нам тозалаш ўтказишни унутмаслик керак)

Умид қиламанки, менинг шарҳим сизга тўғри танлов қилишда ёрдам беради. Таъмирингиз баракали бўлсин!